مقادير
5بيضات
125ج سكر
125ج طحين +50ج كاكاو مر ملعقة صغيرة خمارة +فاني
الطريقة
خدمي البيض والسكر والفاني بالطراب الكهربائي من 10 الى 15 دقيقة حتى يبياض ويتقال ويولي بحال لكريم
تم زيدي الطحين والكاكاو والخمارة مغربلين مرتين وحركيهم بملعقة خشبية برفق من التحت الى الفوق وعمليها في مول ودخليها طيب نصف ساعة والفرن يكون سخون من قبل
وملي تخرج خليها تبرد وقطعيها على تلاتة وسقيها بالسيرو لمحضر من سكر وماء ونيسكافي
ثم عملي الكريمة ورشي فوقها الفواكه مقطعة ثم طبقة ثانية من الكيكة ونكملو بنفس الطريقة
وفي الاخير نغلفوها كاملة بالكريمة ثم نزينو الجوانب بالشكلاط فيرميسيل
ومن الفوق بالشكلاط على شكل اخشاب كيف ما مبين في الصورة
تدوبي الشكلاط مع قليل زبدة وتبسطيه في كاغيط خاص او فوق بلاستيكاوتخليه ينشف غير هنيهة وتلويه رولي وتخليه ينشف تماما وتحليه وغادي تحصلي على اشكال خشب
وتزيني بيهم من الفوق ورشي السكر كلاصي من الفوق وزيني بالكريمة والكرز
عملي الكريم فريش تتكون الذ
وبالصحة والراحة
